طريقة تحضير الصفيحة بالصور

السلام عليكم

ليوم رح اعمل صفيحة بتشهي وسهلة وكل الي داقوها من ايدي عجبتهم كتير

اولا المقادير انا رح احطها تكفي ل4اشخاص وانتو ضاعفو الكمية

لحم مفروم ربع كيلو

بصلة متوسطة مفرومة ناعم

حبتين بندورة

قرن فلفل حا ر

سن تومة

شوية زيت

ربع كوب صلصة بندورة

معلقة كبيرةملح .فلفل اسود.سماق .بهار مشكل

وهاي صورة المقادير

بتحطيهم بالمقلى وتسيبيهم يستوو منيح وهاي صورتهم بعد ما استوو

وهلأ اجا وقت العجينة ..دايما البنات بيشتكو من العجائن بس الحمد لله هاي الطريقة ولا ممكن تفشل بالنسبةالي دايما بتبيض وجهي

3 اكواب دقيق

معلقتين كبار خميرة

معلقتين كبار سكر

رشة ملح

ماء

انتبهو جيدا …بتحطي الخميرة ومعلقة السكر بكوب وبتحطي عليه ربع كوب ماء دافئ …مش ساخن مهم يكون

دافئ وبتتركيها ربع ساعة وبعدين بتخلطي الطحين ورشة ملح اكرمي بالرشة عشان زاكي العجين تكون مالحة

بعدين بتحطي معلقة السكر الي ضلت وبتديري عليهم الخميرة طبعا بكون شكلها صار هيك

وبعدين بتعجني العجينة وتتركيها بمكان دافى حت تنفخ ويضاعف حجمها حوالي نص ساعة

بعدين بتقرصيها كرات متوسطة مثل هيك

وبعدين تضغطي براحة ايدك على القرص وبتحطي في مقدار معلقتين من الحشوة او حسب ما بتحبي وهاي

العملية بتعمليها وهم بالصينية عشان ما رح تقدري تنقليهم وهيك شكلهم

وبتخبزيهم ع درجة حرارة 375 لمدة تلت ساعة او حسب الفرن عندك

وهاد شكلهم بعد ما استوو خلص …والريحة معبية المطبخ

تقدم مع اللبن او صحن سلطة او شوربة

 

إقرإي مواضيع أخرى عن الطبخ

Put the internet to work for you.

Turn off or edit this Recipe

Put the internet to work for you.

Turn off or edit this Recipe