كفتة الدجاج بالمشروم والجبن
اليوم طريقه سهله وطعمها جميل جدا ويمكن تقديمها فى كل الاوقات
المقادير:
4 صدور دجاج
ملعقة صغيرة زعتر
ملعقة صغيرة كزبرة
ملعقة صغيرة حبهان مطحون
ثمرة بطاطس متوسّطة
ملح وفلفل أسود
للحشو:
10 مكعبات جبنة نستو او شيدر
2 ملعقة كبيرة بقدونس مفروم
½ كوب مشروم مفروم
للتغطية:
2 بيضة
2 كوب بقسماط ناعم
½ ملعقة صغيرة ملح
رشة فلفل أسود
زيت ذرة للقلي
طريقة التحضير:
اسلقي البطاطس نصف سوى وقطّعيها شرائح، وسيبيها لحد ما تبرد تماما.
افرمي صدور الدجاج وشرائح البطاطس مع بعض في المفرمة، وبعد كده تبّليها بالملح والفلفل والكزبرة والزعتر والحبهان، واعجني الخليط كله بإيدك كويس.
الحشو:
اخلطي المشروم مع الجبنة والبقدونس، وقلّبيهم مع بعض كويس.
خدي كمية مناسبة من الكفتة وافرديها على إيدك، واحشيها بكمية مناسبة من الحشو، ولفّيها على شكل صوابع، وكرّري الخطوة دي لغاية ما كل الكمية تخلص.
اخفقي البيض في طبق وحطي عليه الملح والفلفل، وحطّي أصابع الكفتة في البيض وبعد كده في البقسماط.
حمّري الكفتة في زيت ساخن وغزير، وبعد كده طلّعيها على مناديل ورقية علشان تتشرّب الزيت، وعند التقديم زيّنيها بالبقدونس..
وبالصحة والهنا مع تحياتى
جمالك مهم
via mixCleopatra http://ift.tt/1oxmnYd
Put the internet to work for you.
via mixWassfaSahla http://ift.tt/SbXoPj
Put the internet to work for you.
ليست هناك تعليقات: