تقول احدى السيدات عن تجربتها الخاصه والشخصية في احدى المواقع العربية عن طريقة عنايتها وتجربتها مع السدر للحفاظ على رموشها من التساقط وتطويلها وهذا نص مقالها .
تجاربي البدائيه مع السدر للرموش وعنايتي ببشرتي
اليوم حبيت اشارككم بتجارب توني ببدايتها بس
لقيت نتائج مرضيه جدا وراح اكمل باذن الله لين
اوصل للنتيجه اللي حاطتها براسي .. انا سبق
وحطيت عنايتي بشعري ولحد الان مستمره عليها
والحمدلله شعري في قمة الروعه اللهم لك
الحمد
المهم اليوم راح اقولكم شي جربته لكثافة رموشي
ويمكن راح تستغربون شلون استخدمت السدر
لرموشي من الموضوع بداية الفكره بدت من
حواجبي حواجبي خفيفه وشعرها قليل وانا نفسي
اني ماارسم حواجبي بالقلم المحدد طبعا انا
جربت السدر لشعري واعطاني نتائج روعه ومن
هنا طرت علي فكرة اني احط على حواجبي سدر
شي يضحك ادري خخخخخخ بس ليش لا دام فيه
نتيجه باذن الله وبديت اسوي عجينة سدر
واحطها كل يوم على حواجبي ساعه وكل يوم
على هالحال بس لاحظت انها تطفشني بالغسيل
لما اغسلها وفكرت وفكرت وفكرت طرت علي
فكره احلى واروع ونتائجها مضمونه باذن الله
لاني قد جربتها كمان اللي هي موية السدر
نقعت شوية سدر بكوب بلاستيك مع مويه وخليته
كم ساعه ودخلته بالثلاجه وكل مامريت من جنب
الثلاجه اجيب عود اذن وادخله بالسدر وامسح
حواجبي وقلت ليه ماحط لرموشي بعد بديت
اتكحل فيه بس مومره ادخله بعيوني عالاطراف
وعالرموش نفسها وكل يوم على ذالحال لي
اسبوعين تقريبا ..
النتائج اللي وصلتلها طبعا قلنا تونا بالبدايه لان
السدر يبين اثره او نتائجه بعد شهر وشوي
المهم رموشي صارت طويله طولها واضح كاني
حاطه مسكره بس الكثافه للامانه باقي هي
والحواجب بس لما اقرب اناظر رموشي القى
منابت شعر جديده بتطلع ان شاءالله بس الطول
روعه صارت طويله مره وكانت تطيح رموشي مع
الفرك وبسبب الفازلين يابنات الفازلين يطرح
الرموش والله جلست عليه رموشي كل شوي تطيح
بس مع السدر الحمدلله معاد تطيح هاذي بدايه
بسيط وراح ارجع احط موضوع لتكملة التجربه باذن
الله لما اوصل للنتيجه المطلوبه
اللحين راح اكلمكم عن عنايتي ببشرتي عنايه
بسيطه جدا .. بشرتي دهنيه وفيها اثار حبوب
وحبوب صغيره ومسامات واضحه وندبات استخدمت
اشيا كثيره لكن للاسف المشكله كانت تزيد
ماتنحل جربت خلطة افالون روعه خلت بشرتي
جنان وماتغير لون بشرتي حتى لما تركتها بس
بعد كم شهر لاحظت ان الحفر تزيد بوجهي
مادري ايش المشكله المهم قبل شهر قررت
استخدم الدوكين لوحده وبديت استخدمه وكانت
تجربه سيئه طلعلي حبوب بوجهي كثيره وانعدمت
بشرتي ماقدرت اكمل جلست اسبوع استخدمه
ووقفته قررت معاد استخدم كريمات ابدا اجلس
على اشيا طبيعيه واعدل نومي وفعلا بديت اعدل
نومي اصحى الصباح اغسل وجهي بغسول لوريال
الاشراقه الورديه وبعد ماغسل وجهي اجيب مكعب
ثلج موية ورد معاه دم الغزال والسر كله بمكعب
الثلج امسح وجهي بالمكعب كله واجيب مكعب
ثلج ثاني عباره عن بابونج ولبان ذكر غليتهم
شوي عالنار مع مويه وصفيتهم وحطيتهم بالفريزر
وامسح وجهي بمكعب الثلج اللي عباره عن
بابونج ولبان الذكر ووقت النوم اغسل وجهي
بنفس الغسول وامسح وجهي بزيت جنين القمح
وزيت اللوز المر بحركات دائريه عكس عقارب
الساعه وانام واقوم الصباح ونفس الحركه واكل
زبادي مع عسل عالريق والله يابنات انحلت
مشاكل بشرتي بقوووووووه خاصة المسامات
والرؤؤس السودا والحبوب اختفت بشكل كبير فتح
وجهي وصار فيه نور الهالات اختفت خدودي
برزت بشكل حلو وهذ اللي كنت اتمناه بسبب
جنين القمح اللي ابي اوصله والله يابنات احيانا
الجمال يكون باشيا بسيطه بس احنا غافلين عنها
وطريقة العنايه لازم تكون صح احنا ماعندنا ثقافة
العنايه بالبشره نعاملها كان نعامل شي قاسي
خطا خطا خطا البشره يبيلها شوية اهتمام بحنيه
عامليها زين عشان تعطيك نتائج حلوه لاتكثرون
كريمات وخرابيط نظمي نومك واكلك اهتمي
بنظافة بشرتك واهم شي تقفلين المسامات اذا
تقفلت المسامات راح تفقدين مشاكل كثير
ببشرتك
via mixCleopatra http://ift.tt/1lcOfgK
Put the internet to work for you.
Put the internet to work for you.
ليست هناك تعليقات: