هتحتاجى:-
ربع معلقه صغيره قهوة تركى(قهوه تركى)
معلقة صغيرة سكر
معلقتين صغيرتان زيت زيتون
طريقة عمل سكرب القهوه التركى:-
سنحضر طبق صغير
ونحط ربع معلقة صغيرة قهوة
وبعدين هانحط معلقة صغيرة سكر بس خلو المعلقة مليانة زي الصورة كدا ( سكر بتاع الأكل العادي )
وبعدين هانحط معلقتين صغيرين من زيت الزيتون
بس كدا
وهانخلطهم بقا كوووويس بالمعلقة لحد مايبقو كدا
وهتروحي ياحلوة انتي وهي قدام الحوض وتبلي وشك بالمياه
وبعدين تحطي من السكراب على ايدك وتبتدي تفركي بحركات دائرية على كل وشك كويس اوي
*** بس خلي ايدك خفيفة على وشك أهم حاجة بلاش تاخدك الحماسة وتدوووسي جامد وبعدين وشك يلتهب
وتيجي تدعي عليا انا
وبعدين هاتشطفي وشك كويس جدا
وخلو بالكو بقاا من النقطة دي عشان *** مهمة جدا جدا جدا ***
اول لما تغسلي وشك من السكراب هتلاقي القهوة عاملة لون كدا شوية
متخــــــــــــــــــــافيش وتفتكري انها سمرتك وبردوووو تدعي عليا انا
انتي بكل بساطة هاتجيبي صابونة الوش بتاعتك او الغسول الي بتستخدميه لوشك
وتشطفي وشك بيه كويس اخر شطفة
هتلاقي مفيش أي اسمرار ولا اي لووون من القهوة
وبصي بقا في المرااااااااااية وانتي هتشوفي المفجأة
والله هتلاقي وشك ابيض ومنور ومووووورد وصافي من أول مرة
ودا اكتر سكراب عملتو وجاب نتيجة معايا حلوة اوي رغم انو طبيعي وبعملو فالبيت
عشان كدا جيت اقلكو عليه عشان كلكو تستفيدووو
via mixCleopatra http://ift.tt/1jVzghq
Put the internet to work for you.
Recommended for you |
Put the internet to work for you.
ليست هناك تعليقات: