اطباق الاسماك سردين مشوي 2015
اطباق الاسماك سردين مشوي 2015
سردين مشوي
من الاخت وئام
المقادير: سردين مشوي
*كمية من السردين يكون جديد ويلمع بحال النقرة ههه
* كمون
*ملح
*زيت زيتون
*بصل
الطريقة: سردين مشوي
اولا نغسلو مزيان السردين ونزلو ليه السنسول والشوك نسقطروه مزيان مزيان
نحكو البصيلة فالحكاكة الرقيقة بحال اللي فالصورة, نضيف ليها الملح والكامون ونخلطو مزيان ثم نضيف زيت الزيتون, وهاهي الشرمولة واجدة, نشرملو السردين ديالنا وحدة فوق وحدة ونخليوهم ساعة على الأقل عاد نطيبوهم.
الى غطيبيهم فالشواية , دهنيهم بالزيت البلدية ودهني الشواية كذلك وفاش يطيبو تكوني مشعلة طريف ديال الفاخر على البوطة, حطيه فطبيسيل صغير وكبي عليه الزيت وبسرعة سدي عليهم باحكام وخليهم 15د ياخدو نسمة الفاخر.
الى غنطيبوهم في الفرن, ندهنو مزيان اللاطة بالزيت البلدية, نحطو السمك ديالنا, ونكبو شوية الزيت البلدية فيدينا ونوزعوها على سطح السمك باش يتدهن مزيان, ندخلوه للفرن, لما يطيب نعملو ليه الفاخرة كيف سبقلي وشرحت, قدمي السمك ديالك مع سلطة خضراء وتكتوكة او زعلوك وبالصحة والراحة.
طياب الشواية
نتمنا تجربو هاد الوصفة كتجي رائعة بزاف
بصحتكم وراحتكم
للمزيد :
التدوينة اطباق الاسماك سردين مشوي 2015 ظهرت أولاً على المطبخ العربي Cuisinearab.com ،اشهى الأكلات والذ الوصفات..
إقرإي أيضا مواضيع أخرى عن وصفات الطبخ
Put the internet to work for you.
ليست هناك تعليقات: